Despois dun ano de traballo o espazo documental incrementouse con novas inclusións de creadores e creadoras: Mar Caldas, Salvador Cidrás, ángela de la Cruz, Ana de Matos, Almudena Fernández Rubén Grilo, Sofía Jack, Santi Jiménez, Pavlo Orza, Simón Pacheco, José Paz, Carlos Rodríguez Méndez, Sara Sapetti, Teo Soriano e Alberto Vázquez, para abordar unha nova etapa que se identifica por novos obxectivos caracterizados pola investigación e a reflexión que sobre o material documental recollido até o momento se ten realizado. Ademais, pon en marcha un proxecto editorial a corto medio prazo, unha publicación na que artistas e profesionais da arte compartirán investigacións e diálogos para amosar reflexións ao redor de cinco grandes temas ou bloques: Contexto, Produción, Formación, Visibilidade e Diálogos Interxeracionais.
Con este novo paso pretendemos reflexionar e visibilizar diferentes aspectos do estado da cuestión creativa contemporánea por medio da elaboración dunha serie de textos ensaísticos que se complementaran coa realización de varias entrevistas aos artistas incluídos na base do Espazo. Estes traballos serán realizados por artistas, críticos, historiadores e docentes como X.M. Buxán Bran, Anxela Caramés, Saleta G. Carnero, Silvia García, José Manuel Lens, Chiu Longina, Chus Martínez, Natalia Poncela, Miguel Anxo Rodríguez e Inés Román.